Presidenti i Luftëtarit, Grigor Tavo ka qenë tre ditë më parë “vizitor” në Komisariatin e Policisë së Gjirokastrës, e cila ka filluar një hetim pas një denoncimi ndaj tij. Por nuk bëhet fjalë për situata që kanë lidhje me klubin e futbollit që ai administron, por me bizneset private që ka në Gjirokastër.

Tavo është denoncuar për shkak të shfrytëzimit të një kullote në Derviçan për gurore dhe është marrë në pyetje nga policia për të dhënë versionin e tij të ngjarjeve në një deponim i cili raportohet se ka zgjatur rreth katër orë.

Në fund, ai është lënë i lirë, por ndërkohë ka filluar një procedim penal ndaj tij dhe organi i akuzës po vazhdon hetimet për të zbardhur ngjarjen.

NDIQE LIVE "PANORAMA TV"

---