Te Tirana po mendojnë për trajnerin e ri, dalin në skenë kandidatët e parë
Te Tirana po mendojnë për trajnerin e ri, madje kanë nisur me negociatat. Pa u shkarkuar apo dorëhequr Ardian Mema, po qarkullojnë kandidatët e parë për stolin e 24 herë kampionëve të vendit. Dhe nuk bëhet fjalë për emra të panjohur, pasi janë përfolur edhe në nisje të këtij sezoni.
Julian Ahmataj dhe Bledar Devolli janë në këtë listë, e megjithatë duket se më i avantazhuar është i pari. I pari ishte planifikuar si trajner i ekipit U-17 në akademinë e bardhebluve, e megjithatë kurrë nuk u bë.
Diçka nuk shkoi si duhet rrugës dhe elbasanasi u tërhoq. Ndërsa, gjirokastriti aktualisht po drejton 19-vjeçarët e Tiranës, ndaj nuk përjashtohet as mundësia e ndonjë kalimi tek ekipi i parë. Është lakuar edhe Mirel Josa, e megjithatë më i kredituar është Ahmataj.
PANORAMASPORT.AL
NDIQE LIVE "PANORAMA TV"