Te Sopoti irritohen me kamerunasin: E ushqyem… edhe me Kola e Fanta

Panorama Sport | Lajmet e fundit nga sporti

Postuar: Janar 15, 2017 | 19:43

Te Sopoti irritohen me kamerunasin: E ushqyem… edhe me Kola e Fanta

Futbollisti kamerunas i Sopotit, Janot Tadjong, denoncoi sot nëpërmjet “Panorama Sport” trajtimin që i ishte bërë në Shqipëri ku nuk ishte paguar prej 4 muajsh dhe po mbijetonte vetëm falë ndihmës së shokëve të tij. Tadjong, në intervistën e dhënë për gazetën, akuzoi gjithashtu sie klubi e kishte lënë pa ngrënë dhe se tashmë jetonte praktikisht me sanduiçë dhe falë solidaritetit mes futbollistëve.

Janot tadjong

Por një deklaratë e tilla ka gjetur kundërpërgjigje nga klubi i Sopotit, i cili ka dërguar në redaksinë e gazetës dëshminë video të një punonjësi të restorantit pranë zonës së Freskut në kryeqytet ku ishte caktuar të ushqeheshin futbollistët e skuadrës së qytetit të Librazhdit.

“Jam punonjës personeli i këtij restoranti. Jam çdo ditë në punë, me sa lexova në gazetë bëhet fjalë për Janot. Sa herë ka ardhur ai ka ngrënë në mëngjes, drekë a darkë. Kur vinte, se nuk do të shkoj ta kërkoj ku mund të jetë ai. E kemi ushqyer e kemi respektuar, me ndonjë fryt, me ushqim, me ndonjë Kola apo Fanta.

Stafi ka qenë prezent dhe nuk gënjejmë, është me dëshmitarë e prova. Çfarë kemi pasur ia kemi ofruar në çdo vakt që ka ardhur, nuk ia kemi ndaluar asnjëherë, ia kemi ofruar. të paktën atij nuk ia kemi ndaluar asnjëherë ushqimin, e kemi pyetur edhe mos donte ndonjë gjë tjetër, kemi dëshmitarë”, ishin fjalët e Fatbardh Licit, punonjësit të restorantit.

NDIQE LIVE "PANORAMA TV"