Te Milani kanë nisur nga punë për të përforcuar skuadrën, në mënyrë që sezonin e ardhshëm të tentohet kualifikimi në Ligën e Kampioneve.

Ditën e sotme, ka pasur një takim në “Casa Milani”, mes drejtuesve të kuqezinjve dhe agjentit të mesfushorit, Mateo Pesina. Ky i fundit shkëlqeu me Helas Veronën në sezonin që lamë pas dhe ka tërhequr vëmendjen e klubeve të mëdha.

Kartonin e mesfushorit 23-vjeçar e zotëron Atalanta, që e ka marrë lojtarin pikërisht nga Milani. Në verën e 2017-ës, Pesina kalonte te bergamaskët si pjesë e marrëveshjes për kalimin e Kontit në “San Siro”.

Gjithashtu Milani zotëron 50% të kartonit të lojtarit në rast rishitje nga Atalanta dhe do të kishte mundësinë ta rikthejë në ekip me gjysmë çmimi, diçka nga e cila kërkojnë të përfitojnë drejtuesit kuqezi.

PANORAMASPORT.AL 

NDIQE LIVE "PANORAMA TV"

---