Te Milani i kanë planet e qarta, dy lojtarët do të largohen në merkaton e janarit
Milani pritet të ketë shumë ndërhyrje në merkaton e ardhshme, kjo edhe për shkak të formës së keqe të kuqezinjve.
Drejtuesit e “Djallit” nuk mendojnë vetëm për afrimet në ekip, por mendojnë edhe për largimet në kampin kuqezi. Sipas asaj që shkruan “Sportmediaset”, kuqezinjtë i kanë planet e qarta, dhe është i sigurt largimi i dy lojtarëve.
Bëhet fjalë për Frenk Kesi dhe Fabio Borini, të cilët nuk janë në planet e trajnerit Pioli. Ndryshe nga dy trajnerët e mëparshëm, ku të dy lojtarët ishin pjesë e planit, me trajnerin e ri lojtarët nuk kanë marrëdhënie të mira, dhe një largim i tyre në janar është i pashmangshëm.
Drejtuesit e Milanit dëshirojnë që nga shitja e këtyre dy lojtarëve të përfitojnë të paktën 30 milionë euro, në mënyrë që të kenë mundësi të investojnë edhe në afrimin e lojtarëve të tjerë.
PANORAMASPORT.AL
NDIQE LIVE "PANORAMA TV"