“Të marrtë dreqi, të marrtë”, Memelli acarohet. Ja pikantet në Teuta-Skënderbeu
“Panorama Sport” ju përcjell më poshtë të veçantat nga ndeshja e luajtur në “Niko Dovana” mes Teutës dhe Skënderbeut.
– Edi Martini dhe Migen Memelli u takuan pak para se të niste takimi. Përqafim dhe ndarje mes miqsh.
– Në tribunën “VIP” mungoi presidenti i Skënderbeut, Ardjan Takaj, por ishin bashkëpresidentët e Teutës, Edmond Hasbelliu dhe Ardian Bardhi.
– E papritur për Teutën, Rustem Hoxha dëmtohet para fillimit të ndeshjes, në nxehmje, dhe ka ndjekur skuadrën e tij nga tribuna.
– Lëvizje në formacionin durrsak, Aleksi luan qendërmbrojtës dhe Asion Daja zë vendin e tij në mesfushë. Lëvizje që dolën me sukses.
– Ka qenë një ndeshje disi e ngarkuar për vendësit. Kapiteni Renato Arapi ishte ai që udhëhiqte skuadrën në fushë dhe në një moment karikon ekipin: “O çuna, hajde shtrëngohuni aty”.
– Në minutat e para mesfushori Daja motivon shokët e skuadrës: “Të mos e ulim presionin çuna”.
– Tereziu humbet një top në fundore dhe Memelli i acaruar nga pankina e thërret: “Të marrtë dreqi, të marrtë”.
– Stivi Frashëri, Renato Arapi, Emiljano,Vila, Djevi Bregu, Asion Daja, Blerim Krasniqi luanin përballë së shkuarës.
– Migen Memelli rikthehet në Durrës si kundërshtar pas afro 21 vitesh këtë herë si trajner. Kujtojmë që Pogradecari ka qenë pjesë e Teutës në sezonin 2001-2002.
– Shumë aktiv ka qenë në këtë takim edhe drejtori Sulejman Starova që me thirrjet e tij motivonte apo korrigjonte lojtarët e Teutës në fushë.
PANORAMASPORT.AL
NDIQE LIVE "PANORAMA TV"