Edhe pse ai është vetëm një zëvendës trajner te Mançester Siti, disa klube prestigjioze në Angli shohin te ai një trajner të ardhshëm  të suksesshëm. Behët fjalë për Mikel Artetën, i cili u bë ndihmës i Guardiolës kur ai mori drejtimin e “qytetarëve” në vitin 2016.

Janë tre klube që janë në garë për ta marrë në stafin e tyre spanjollin, i cili mesa duket ka mësuar sa duhet nga kjo përudhë e shkurtër në krah të Guardiolës. Dy nga ekipet e interesuar janë edhe ekipe në të cilat ai ka luajtur si lojtar më parë, Arsenali dhe Evertoni.

Evertoni dukej si një destinacion më i përshtatshëm për Artetën, sepse disa pjesëtarë të bordit drejtues e shihnin atë si trajner të parë të ekipit, por në fund u vendos për një trajner me më shumë eksperiencë si Allerdais.

Ndërsa Arsenali dhe Totenhemi kishin një projekt më afatgjatë për të, pasi ata e dëshironin fillimisht si ndihmës spanjollin, dhe më pas nëse Venger ose Poketino do largoheshin, ai do merrte drejtimin e ekipit.

NDIQE LIVE "PANORAMA TV"

---