“Të kthejmë Teutën aty ku e meriton”, heroi Vila: Shpresoj të shënoj sa vjet

Panorama Sport | Lajmet e fundit nga sporti

Postuar: Nëntor 21, 2021 | 16:21


“Të kthejmë Teutën aty ku e meriton”, heroi Vila: Shpresoj të shënoj sa vjet

Sulmuesi i Teutës, Lorenco Vila u rikthye të bëjë protagonistin për Teutën duke shënuar dy herë në barazimin me Skënderbeun. 22-vjeçari është rikthyer nga një dëmtim që e la jashtë për 3 muaj, ndërsa në prononcimin për SuperSport pas ndeshjes, Vila u shpreh:

vila

‘’Jam i lumtur për golat, por tepër i mërzitur që lamë 3 pikët. Shpresoj mos të bëjmë më këto gabime dhe të kthehemi te fitoret.

Rikthimi: U dëmtova në momentin më të mirë, qëndrova 3 muaj pushim, tani jam kthyer në formë, të kthehemi te fitorja, aty ku Teuta meriton pasi nuk i kemi marrë pikët e duhura.

Kam katër ndeshje që kam filluar të luaj, shpresoj të arrij kuotën e golave që bëra vjet, por e rëndësishme është të kthejmë Teutën te rezultatet pozitive.

Sulmi: Gjorgiev dhe Koubemba janë afruar në merkaton e verës, shpresoj të përshtaten mirë dhe të arrijnë të shënojnë sa më shumë. Vjet kam luajtur djathtas se majtas ishte Bregu, por mirë ndihem në dyja krahët”.

PANORAMASPORT.AL