“Te Bajerni i Mynihut nuk ngopen duke fituar”, ylli bavarez: Kur kryesojmë 2-0 ose 3-0, luajmë sikur ndeshja është 0-0
Kingslei Koman vazhdon të shkëlqejë me skuadrën e Bajernit. Francezi ka lënë pas fazën e errët të dëmtimeve dhe tani po shijon në maksimum sukseset me bavarezët. Për “Onze Mondial”, mesfushori i avancuar foli me superlativa për skuadrën e tij duke thënë: “Para se të nënshkruaja për Bajernin, e dija që ky ishte një klub i shkëlqyeshëm me kulturën e fitores. Më pas, nuk e kuptova që kjo kulturë ishte kaq e madhe. Këtu është shumë se mund ta imagjinosh. Të gjitha klubet e mëdha dëshirojnë të fitojnë dhe të kenë këtë mentalitet fitues, por ne bavarezët kemi edhe më shumë. Edhe nëse kryesojmë 2-0 ose 3-0, lojtarët mbeten të vendosur sikur të ishin 0-0.
Te Bajerni, për sa kohë që loja nuk ka mbaruar, për sa kohë që mund të shënojmë, ne do të shënojmë. Të gjithë janë të përqendruar nga fillimi në fund. Siç e kemi parë në Champions League, ne duam të fitojmë gjatë gjithë kohës. Ne fituam çerekfinalen 8-2, gjysmëfinalen 3-0. Në fund, të gjithë ishin të lumtur, por kaq, të gjithë ishin të përqendruar në qëllimin kryesor: finalen. Ne po mendonim vetëm për një gjë, ngritjen e trofeut. Fitimi i finales së UCL është arritja më e madhe në karrierën time”, tha heroi i finales së Champions-it.
PANORAMASPORT.AL
NDIQE LIVE "PANORAMA TV"