“Sytë i kishte zgurdulluar dhe bërtiste me të madhe”, Tosun tregon dëmtimin horror të Andre Gomes

Panorama Sport | Lajmet e fundit nga sporti

Postuar: Nëntor 4, 2019 | 10:42

“Sytë i kishte zgurdulluar dhe bërtiste me të madhe”, Tosun tregon dëmtimin horror të Andre Gomes

Një dëmtim horror u regjistrua në sfidën e djeshme mes Evertonit dhe Totenhemit, teksa futbollistit spanjoll, Andre Gomes iu thye kavilja, pas ndërhyrjes së koreano-jugorit Son.

Demtimi horror

Ky moment i tronditi futbollistët e të dyja skuadrave, të cilët e përjetuan mjaft keq këtë moment të rëndë. Në momentin e incidentit, sulmuesi turk Tosun vrapoi për ta penguar mesfushorin e Gomes që të shikonte këmbën e tij të thyer, por trauma ishte madhe dhe portugezi kishte kaluar në gjendje shoku. Në një prononcim për mediat, Tosun rrëfen momentin e sikletshëm, duke deklaruar:

Tosun

“Të gjithë ishin të trishtuar. Disa lojtarë thuajse nisën të qanin. Sytë e Andre Gomesit ishin të hapur dhe aq të mëdhenj dhe të zgurdulluar. Ai qante, bërtiste me të madhe. Unë thjesht u përpoqa ta mbaja dhe të flisja me të. U përpoqa t’i thosha që të qëndronte i qetë. Ne nuk mund ta kuptonim.

Ai e kishte pësuar atë dëmtimin. Son ishte i shkatërruar, lojtarët e Evertonit shkuan për ta ngushëlluar. Sigurisht, në këtë moment ishte pak konfuz. Askush nuk e di në fushë që një duel mund të ketë pasoja të tilla. Ishte thjesht fati i keq”, u shpreh Tosun.

NDIQE LIVE "PANORAMA TV"