Postuar: Janar 24, 2020 | 14:09
Surprizë e Tiranës, merr mesfushorin afrikan që donte Skënderbeu
Tirana ka arritur të sigurojë shërbimet e Lancinet Sidibe.
Burime pranë “Panorama Sport”, konfirmojnë se klubi kryeqytetas ka mposhtur konkurrencën e Teutës dhe Skënderbeut, duke mbyllur marrëveshjen me ekipin e Besëlidhjes, që zotëron kartonin e lojtarit.
Sidibe sezonin e kaluar ishte pjesë e Teutës, teksa shënoi një gol dhe dhuroi një asist në 33 ndeshje.
Kujtojmë që ka qenë Skënderbeu skuadra e cila ka këmbëngulur së tepërmi për lojtarin, por Tirana ka arritur më parë akordin.
Sidibe është nga Guinea dhe luan si mesfushor qendre, i cili ka rolin e shkatërruesit në fushë. Gjatë sezonit 2017-2018, 23-vjeçari ka luajtur dhe me fanellën e Flamurtarit.
/PANORAMASPORT.AL/
NDIQE LIVE "PANORAMA TV"