Surpriza, Erjon Bogdani fton në kombëtare futbollistin e Interit

Panorama Sport | Gazeta me e shitur sportive ne vend

Postuar: Gusht 12, 2017 | 18:43

Surpriza, Erjon Bogdani fton në kombëtare futbollistin e Interit

Trajneri i kombëtares shqiptare U-19, Erjon Bogdani, është duke përgatitur listën e futbollistëve që do të ftojë për grumbullim nga data 27 gusht deri më 1 shtator. Gjatë këtij grumbullimi, ai do të vendosë përfundimisht për grupin e lojtarëve që do të përzgjedhë për kualifikueset e Kampionatit Europian të cilat…

Trajneri i kombëtares shqiptare U-19, Erjon Bogdani, është duke përgatitur listën e futbollistëve që do të ftojë për grumbullim nga data 27 gusht deri më 1 shtator. Gjatë këtij grumbullimi, ai do të vendosë përfundimisht për grupin e lojtarëve që do të përzgjedhë për kualifikueset e Kampionatit Europian të cilat do të luhen më datat 4, 7 dhe 10 tetor.

Armand-Rada-1

Një nga futbollistët që ka marrë ftesë për në këtë grumbullim është mesfushori i Interit U-19 Armand Rada. Ai është ftuar edhe gjatë grumbullimeve të mëparshme që Bogdani ka bërë me këtë grupmoshë duke u aktivizuar në 3 ndeshje miqësore. Paraqitjet e 18-vjeçarit duket se e kanë bindur Bogdanin ta mbajë afër kombëtares dhe me shumë mundësi ai do të jetë pjesë e skuadrës së përzgjedhur për kualifikueset e tetorit.

Në sezonin e shkuar Rada ishte pjesë e Olginatezes në Serinë D në formë huazimi, ndërsa këtë sezon do të ketë shansin të tregojë vlerat me skuadrën e të rinjve të Interit.

Shqipëria bën pjesë në Grupin 12 dhe ka si kundërshtarë Ukrainën, Malin e Zi dhe Norvegjinë. Ndeshjet e këtij grupi do të zhvillohen të gjitha në Shqipëri.







www.minuta90.com