Superliga e Kosovës sfidon kampionatet e rajonit, luan futboll, por pa… tifozë

Panorama Sport | Lajmet e fundit nga bota e sportit

Postuar: Mars 13, 2020 | 14:23


Superliga e Kosovës sfidon kampionatet e rajonit, luan futboll, por pa… tifozë

Në Kosovë ende nuk ka mbërritur Koronavirusi, por masat për ta parandaluar atë kanë filluar të merren në futbollin kosovar. Sa u përket trevave ku shtrihen shqiptarët, Kosova mbetet vendi i vetëm ku këtë fundjavë luhet futboll, por natyrshëm jo në kushte normale, pasi ndeshjet e kësaj fundjave do të luhen pa praninë e tifozëve. Vendimi i Ministrisë së Shëndetësisë të Kosovës ka prekur edhe botën e sportit.

1200px-IpkoSuperliga2018-19.svg

Përmes një njoftimi në orët e vona të së mërkurës mbrëma, kjo ministri ka rekomanduar që aktivitetet publike dhe jopublike mund të zhvillohen të mbyllura, pa praninë e tifozëve apo spektatorëve.

Kështu që, klubet e Superligës kosovare kanë vijuar normalisht përgatitjet për përballjet e javës së 23-të, të cilat do të zhvillohen në dy ditë, nesër dhe pasnesër. Skuadrat e kreut luajnë në shtëpi këtë fundjavë, por mosprania e tifozëve pa dyshim që ndikon te këto ekipe që luftojnë për titullin kampion, një betejë e shtrirë mes katër klubeve të para, Ballkani, Drita, Gjilani dhe Prishtina.

Superliga-e-Kosoves-ne-Futboll-1-1

Duke parë që fqinjët i kanë pezulluar aktivitetet nga epidemia e Koronavirusit, edhe pse në Kosovë luhet, klubet kanë nisur të marrin masat parandaluese. Federata e Futbollit e Kosovës doli me një njoftim ku kërkohej që klubet të dezinfektonin ambientet sportive. Po ashtu u kërkua që as lojtarët dhe pjesët e stafeve të klubeve të mos përshëndeten.

Klubi i parë që ka reaguar duke i dezinfektuar dhomat e zhveshjes dhe stadiumin në përgjithësi, është lideri i Superligës, FC Ballkani. “FC Ballkani është shtëpi e madhe dhe ka zot shtëpie. Shëndeti është primar”, shkruhet në fotot e postuara nga klubi në faqen zyrtare në “Facebook”. Ndërsa SC Gjilani ka vendosur ta mbyllë përkohësisht edhe shkollën e futbollit, me përjashtim të grupmoshës U-17 dhe U-19.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com