Janë luajtur sot dy ndeshjet e Superligës kosovare, Ballkani-Prishtina dhe Feronikeli-Llapi, të vlefshme për javën e 27-të kampionatit.

Ballkani i Bledi Shkëmbit u mund nga kryeqytetasit me rezultatin minimal 0-1, ku prishtinasit ju falën autogolit të shkaktuar  nga Thaçi për të marrë tre pikët. Me këtë humbje Ballkani ngelet në vendin e dytë në kuotën e 55 pikëve, ndërkohë ndjek Prishtina e cila ndodhet në vendin e 3-të me një pikë më pak.

Në ndeshjen tjetër Feronikeli i Klodian Duros, pas humbje shokuese me Besën javën e kaluar, mposhtën me rezultatin e thellë 4-0 skuadrën e Llapit.

Pjesa e parë u mbyll në avantazh nga lojtarët e Duros, teksa Miliçkoviç arriti të shënonte në minutën e 44’. Ishte përsëri Miliçkoviç i cili dyfishoi rezultatin në minutën e 77’, ndërsa në fundin e ndeshjes ishin Bojku në të 89’ dhe Dabiqaj në të 92’ të cilët i dhanë një fitore të thellë Feronikelit, duke fituar terren të rëndësishëm nga ndjekësit e tabelës.

REZULTATET

Ballkani-Prishtina 0-1
Shënues: Thaçi 35′ (autogol)

Feronikeli-Llapi 4-0
Shënues: Miliçkoviç 44′, 77′, Bojku 89′, Dabiqaj 92′

PANORAMASPORT.AL

NDIQE LIVE "PANORAMA TV"

---