Super sfida ndaj “demave”, Flamurtari me dy mungesa të sigurta në kryeqytet

Panorama Sport | Lajmet e fundit nga sporti

Postuar: Shtator 20, 2018 | 17:03

Super sfida ndaj “demave”, Flamurtari me dy mungesa të sigurta në kryeqytet

Trajneri Ilir Daja as këtë javë nuk do ta ketë të plotë skuadrën. Për momentin dy mungesa të sigurta ka Flamurtari për transfertën e së premtes me Partizanin. Mbrojtësi Albi Alla ende nuk është rehabilituar dhe kjo konsiderohet si një mungesë me peshë në radhët e vlonjatëve, pasi në këtë pozicion ata patën mangësi në ndeshjen e fundit me Skënderbeun. Sipas stafit, mbrojtësi Alla mund të jetë gati vetëm pas ndeshjes me Partizanin.

Flamurtari Daja

Mungesë është edhe Alesio Hyseni, që u dëmtua rëndë në ndeshjen me Skënderbeun. Pas një dëmtimi nga loja e rëndë e lojtarëve të Skënderbeut, Hyseni përfundoi në spital, pasi mori një çarje të konsiderueshme në kërcirin e këmbës. Lojtari nuk ka nisur përgatitjet me grupin, kështu që nuk ka shanse që të jetë në formacion për nesër.

NDIQE LIVE "PANORAMA TV"