Prestige ka zhvilluar dje një nga ndeshjet më të mira të sezonit në Sunday League Albania, duke siguruar biletën për në gjysmëfinale të kampionatit. Kampionët në fuqi shkatërruan me rezultatin 3-0 Nova-n në çerekfinale, në një takim të dominuar që nga fillimi e deri në fund. Ndonëse parashikohej një sfidë e ekuilibruar për vetë faktin se Nova kishte mundur t’u rrëmbente një barazim kampionëve në ndeshjet e fazës së grupeve, Prestige tregoi edhe një herë pse mbetet ajo skuadra më e mirë edhe në futbollin me 9 lojtarë. Çakrri në minutat e para, si dhe Shima e Kurpali në fund ishin protagonistët e golave për Prestige.

TAKIMI – Që në start u pa qartë se Prestige e kishte vlerësuar maksimalisht sfidën dhe pas vetëm 8 minutave lojë, kampionët gjetën avantazhin. Çakrri finalizoi në mënyrë të shkëlqyer një kombinim perfekt në zonë, duke e ndalur topin prapa shpinës së portierit. Edhe pse në epërsi, Prestige vijoi me sulme të shumta, megjithatë pjesa e parë mbyllet vetëm 1-0. Në pjesën e dytë ishte përsëri Prestige që diktoi në lojë, ndërsa Nova e kishte shumë të vështirë të krijonte raste shënimi, ku vetëm në një moment mundi të rrezikonte, por pas një goditjeje diagonale topi i devijuar përfundoi në këndore.

Dy minuta nga fundi Shima realizoi golin e dytë me një gjuajtje fluturimthi prej bomberi të vërtetë. Ndërsa Kuparpali, i sapofutur në lojë vulosi fitoren 3-0 duke shënuar me kokë pas një krosimi të Mërtirit gjatë një goditje standard nga e djathta. Në fund Prestige festoi kualifikimin e merituar për në gjysmëfinale, duke hedhur kështu një hap të rëndësishëm për mbrojtjen e kurorës së kampionit.

View this post on Instagram

A post shared by Prestige MFC (@prestigemfc)

PANORAMASPORT.AL

NDIQE LIVE "PANORAMA TV"

---