Sulmuesi i Shkumbinit u kërcënua me jetë, reagon klubi i Burrelit: Distancohemi nga çdo akt apo paraakt, garantojmë se…

Panorama Sport | Lajmet e fundit nga bota e sportit

Postuar: Dhjetor 7, 2019 | 11:22


Sulmuesi i Shkumbinit u kërcënua me jetë, reagon klubi i Burrelit: Distancohemi nga çdo akt apo paraakt, garantojmë se…

Diçka krejtësisht e pazakontë ka ndodhur dje me sulmuesin nigerian të Shkumbinit, Majkëll Ejoh, i cili është kërcënuar para ndeshjes në Burrel se është më mirë të mos zbresë në fushë se do ta vrasin.

ejoh

Klubi i Burrelit pasi u informua mbi këtë kërcënim, ka reaguar duke u distancuar nga çdo akt apo paraakt dhune në stadium.

Në këtë reagim, klubi i Burrelit i garanton çdo ekipi dhe lojtari që zbret në fushë, se do të ketë mikpritje dhe jo akte dhune.

Reagimi i plotë:

“KF BURRELI, mirëpret çdo kundështar në mënyrën më mikpritëse

Klubi i Futbollit Burreli distancohet nga çdo akt apo paraakt për dhunë në stadiumin e qytetit të tij. Në lidhje me një pretendim për kërcënim të sulmuesit të Shkumbinit Michael Efio, të bërë në rrjetet sociale nga individë të panjohur, ju garantojmë se Klubi nuk ka e nuk do të ketë asnjë akt të tillë jo vetëm në këtë ndeshje, por në asnjë përballje që do të luhet në stadiumin tonë. Ne garantojmë çdo ekip e çdo lojtarë që zbret në fushën e Burrelit që do të ketë mikrpitjen më të mirë të mundshme. Do të gjejë një atmosferë paqësore e qytetare. Ne kemi treguar dhe do të vazhdojmë të tregojmë se në Burrel luhet vetëm futboll dhe asgjë tjetër. Me këtë rast sigurojmë KF SHKUMBININ dhe FSHF se ndeshja do të jetë e qetë e pa asnjë lloj problemi. KF BURRELI”

/PANORAMASPORT.AL/




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com