Karim Benzema pritej që të shoqëronte trajnerin Karlo Ançeloti në konferencën e djeshme për shtyp përpara finales së Champions-it, por sulmuesi francez e refuzoi një gjë të tillë për shkak të një besëtytnie sipas “COPE”.

Më 15 shkurt, një ditë pasi ai u shfaq në konferencë për të folur për ndeshjen e 1/ 8-ave të Champions-it kundër PSG-së në “Parc des Princes”, spanjollët u mundën 1-0. Finalja e Ligës së Kampioneve do të luhet në “Stade de France” dhe jo në stadiumin e kampionëve të Francës, PSG-së, megjithatë Benzema beson se shfaqja e tij në konferencë do t’i sillte fat të keq skuadrës në finalen me Liverpulin.

Që 34-vjeçari është supersticioz ky nuk është një zbulim i ri. Ai vazhdon të mbajë dorën e tij të mbuluar me një fashë, pavarësisht se ka shumë kohë që ka kaluar dëmtimin, por golat e shumtë që shënoi me të në dorë, e bënë të besojë.

PANORAMASPORT.AL

NDIQE LIVE "PANORAMA TV"

---