Sulmi atomik i Dortmundit, Barcelona duhet të trembet
Nuk është “MSG” (Mesi-SuarezGrizman), megjithatë Borusia e Dortmundit mund të krenohet me një repart të frikshëm.
Së bashku elementët sulmues të skuadrës gjermane kanë krijuar 184 gola, me 101 gola të shënuar dhe 83 asiste që nga fillimi i sezonit 2018-‘19. 41 janë prodhuar nga Sanço (16 gola dhe 25 asiste), 39 nga Rojs (25 + 14), 29 nga Alkaser (26 + 3), 14 nga Gëce (7 + 7) dhe 7 nga Brun Larsen (3 + 4), pa harruar Brandt (28: 11 + 17) Hazard (26: 13 + 13), të transferuar këtë verë përkatësisht nga Bajer Leverkuseni dhe Borusia Mynshengladbah.
KONKURRENCË – Ndaj, nuk përbën aspak surprizë lajmi që verdhezinjtë janë skuadra me më shumë gola të realizuar në javët e para të Bundesligës: 13 në vetëm 4 ndeshje. Trajneri Lusien Favre ka një “arsenal të rrezikshëm” në duart e tij, por, logjikisht, nuk ka hapësirë për të gjithë në modulin 4-2-3-1. Konkurrenca është e madhe. “Kështu rritet presioni te çdo lojtar – është shprehur presidenti Joakim Vacke.
Vetëm Sanço, Alkaser dhe Rojs cilësohen si titullarë të padiskutueshëm. Dhe e kanë merituar falë paraqitjeve. Veçanërisht dy të parët. Ish-sulmuesi i Barcelonës nuk ka reshtur së shënuari që pas kalimit në Gjermani: 26 gola në 38 ndeshje. Pa harruar që ka realizuar në çdo ndeshje të këtij sezoni: kundër Bajernit në fitoren e Superkupës, në Kupë, në kampionat, me kombëtaren e Spanjës… Mes Dortmundit (7) dhe përfaqësueses (3) numëron 10 gola në 8 paraqitje.
Ndërsa talenti sezonin e kaluar 19-vjeçar sezonin e kaluar u rendit i dyti për asiste mes ligave kryesore europiane: vetëm Edin Hazard (15) kalonte 14 asistet e tij.
Dhe kështu ka vazhduar edhe këtë edicion, me 5 asiste në 4 ndeshje. Gjithashtu nuk i ka munguar as goli: numëron 3 me Dortmundin dhe 2 me kombëtaren e Anglisë. Pas 52 vitesh ka thyer rekordin e Horst Kopel, në moshën 19 vjeç e 151 ditë, si lojtari më i ri që arrin kuotën 15 gola në historinë e Bundesligës. Kundërshtarët janë të paralajmëruar.
PANORAMASPORT.AL
NDIQE LIVE "PANORAMA TV"