Mançester Junajtid dhe Liverpuli kanë zyrtarisht më shumë tifozë në Londër sesa në qytetin e tyre, sipas një studimi të fundit. Për dekada me radhë thuhej se tifozët e Junajtidit ishin të gjithë jugorët, por me sa duket, ata nuk janë të vetmit. Sepse, si “Djajtë” ashtu edhe “Reds”- at krenohen me më shumë mbështetës në kryeqytet sesa në veriperëndim të Anglisë. 

Madje, kjo vlen edhe për Sitin. Sipas “Casumo”, Junajtid ka 1.44 milionë tifozë, të cilët i mbështesin ata nga shtëpia e tyre. Por, në Londër baza e tifozëve shkon në 2.18 milionë, 740 mijë më shumë. Liverpuli ka në Mersejsajd 667 mijë tifozë, por në Londër kjo shifër shkon në 893 mijë, 226 mijë më shumë.

Një histori e ngjashme edhe me Sitin, që në Mançester ka 512 mijë dhe në kryeqytet 637 mijë. Arsenali krenohet me numrin më të madh të tifozëve nga ekipet kryeqytetase, 2.46 mln.

PANORAMASPORT.AL

 

NDIQE LIVE "PANORAMA TV"

---