– Duke përjashtuar miqësoret ndërkombëtare, Çelsi dhe Milani janë përballur 5 herë në total. Ndeshja e fundit daton në vitin 1999. Gjithashtu në atë vit ata ishin pjesë e të njëjtit grup të Champions-it. Barazim 0-0 në Londër, 1-1 në Milano. Kuqezinjtë e trajnuar nga Zakeroni përfunduan të fundit dhe nuk u kualifikuan në fazën tjetër, ndërsa londinezët fituan grupin H.

– Tri ndeshjet e tjera janë të viteve 1960, pikërisht të vitit 1966. Ndeshja e parë, ajo e kthimit dhe një “play off” i raundit të dytë të Kupës së Panaireve. Blutë fituan, pas një tjetër barazimi, falë shortit të monedhës (“kokë a pilë”).

– “Blutë” e Londrës kanë humbur vetëm dy herë në 13 ndeshjet e tyre në shtëpi në Europë kundër skuadrave italiane. Në 11 të tjerat kanë regjistruar tetë fitore dhe 3 barazime. Humbja e parë ka qenë ajo kundër Lacios (1-2) në mars 2000 e vlefshme për Ligën e Kampioneve. Humbja tjetër ndaj Interit (0-1), në mars 2010, viti i “Tripletës” së zikaltërve.

– Olivie Zhiru mund të bëhet lojtari i 10-të që shënon si për Çelsin ashtu edhe kundër Çelsit në Champions. Qendërsulmuesi francez ka luajtur 119 ndeshje zyrtare me londinezët, duke shënuar 39 gola në total në të gjitha kompeticionet.

– Ajo ndaj Empolit ishte fitorja e 100-të e Davide Kalabrias me fanellën e Milanit në të gjitha kompeticionet, më shumë se çdo lojtar tjetër aktualisht në ekipin kuqezi.

– Kuqezinjtë kanë grumbulluar deri tani të njëjtat pikë(4) të shënuara në gjashtëndeshjet e grupit në sezonit të kaluar në Champions.

PANORAMASPORT.AL

NDIQE LIVE "PANORAMA TV"

---