Starova pret fitoren ndaj ish-ekipit, Laçi gati për surpizën ndaj Partizanit
Sulejman Starova rinis luftën për titull nga kampionët në fuqi, Partizani. Ish-trajneri i të kuqve dhe aktual i Laçit deklaroi para pak kohësh që kurbinasit janë për titull. Më pas erdhën dy humbjet rresht me Vllazninë e Skënderbeun dhe pika me Kukësin, edhe ajo plot polemika.
Ama, pika në Shkodër ndaj nënkampionëve ka bërë që Laçi të rinisë idenë titull. Duhet të fitojë me Partizanin, skuadrën që e njeh shumë mirë. Pikërisht trepikëshi i mundshëm me të kuqtë është si pikënisje për Starovën dhe Laçin e tij. Skuadra kurbinase ka shpërdoruar shumë para porte, por edhe ka gjetur një sulmues goli.
Kirian Nuabueze, me 3 gola në 5 ndeshje, duke përfshirë edhe Europa League, meriton respekt nga të gjithë. Gjithsesi, kurbinasit janë një nga skuadrat që kanë bërë ndryshimet më të mëdha në merkaton e verës.
Ata kanë larguar pothuajse ekipin formacionin e sezonit të shkuar për të ndërtuar një ekip të ri, i gatshëm për të arritur në tri vendet e para të kampionatit. Për momentin, janë gjashtë pikë larg vendit të parë të kampionatit.
/PANORAMASPORT.AL/
NDIQE LIVE "PANORAMA TV"