Starova bërtet nga pankina, Martini mërzit mesfushorin. Ja pikantet e Teuta-Apolonia
“Panorama Sport” ju sjell disa pikante nga takimi i luajtur në Durrës, mes Teutës dhe Apolonisë.
* Mesfushori brazilian, Iran Gonçalves, u preferua si titullar nga trajneri Edi Martini në ndeshjen ndaj Apolonisë, por qëndroi vetëm 38 minuta në lojë dhe u zëvendësua me Asion Dajën. Pasi doli nga fusha, Gonçalves u pa shumë i mërzitur, madje duke vendosur fanellën në kokë.
* Për rreth 20 minuta në fundin e lojës ishin në fushë si kundërshtarë sulmuesi i Teutës, Blerim Krasniqi, si dhe ai i Apolonisë, Jeton Krasniqi. Një sfidë e veçantë për dy vëllezërit, të cilët kishin vendosur një “bast” para ndeshjes për fitoren. Kësisoj, triumfoi vëllai i madh, Blerimi, i cili nëpërmjet gazetës i kishte bërë një mesazh Jetonit: “Humbisni në fushë dhe më pas shikoni… detin”.
* Pas një ndërhyrjeje të gabuar ndaj L.Vilës nga mbrojtësi Diop lojtarët e Teutës afrohen tek arbitri: “Po boll e fale mo, jepi karton tani”.
* Në minutat e fundit Starova thërret nga pankina: “Dubloje Todorovsk, dubloje, se edhe pak ka mbetur”.
NDIQE LIVE "PANORAMA TV"