Ish-portieri i Tiranës: Ishim me pushime tek Iliria, kur na ra shorti me Ajaksin
UVIL ZAJMI
Kanë qenë duke pushuar tek Iliria në atë mesdite të nxehtë vere, kur shorti e ka caktuar 17 Nëntorin të luajë ndaj Ajaksit. “Shkonim në 15 ditëshin e dytë të qershorit dhe ne futbollistët qëndronim me veshin te radio për të njohur kundërshtarin.
Ndërsa po qëndroja i vetëm te një klub në Plepa, ka qenë ora, 15:00 dhe Radio Tirana po jepte lajmet kur në fund të tyre, spikeri tha: “Sport, futboll. Sot, në Zyrih u hodh shorti i Kupës së Kampioneve të Europës. Në turin e parë 17 Nëntori do të ketë kundërshtarë holandezët e Ajaksit të Amsterdamit”. U ngrita menjëherë, e lashë birrën dhe me vrap u nisa drejt kabinave. Pa frymë kam arritur t’i jepja lajmin, por edhe ata e kishin dëgjuar”, kujton Vasillaq Konomi, ish-portieri bardheblu i viteve ’70.
Ky artikull është ekskluzivisht për Panorama. Riprodhimi i tij nga media të tjera në mënyrë të pjesshme ose të plotë pa lejen e kompanisë do të ndiqet në rrugë ligjore.
NDIQE LIVE "PANORAMA TV"