Sot dueli për titull ndaj rumunit Prodan/ Fitorja e Florian Markut formalitet për bastet, ja sa kuotohet suksesi i boksierit shqiptar

Panorama Sport | Lajmet e fundit nga sporti

Postuar: Shtator 25, 2021 | 11:45


Sot dueli për titull ndaj rumunit Prodan/ Fitorja e Florian Markut formalitet për bastet, ja sa kuotohet suksesi i boksierit shqiptar

Florian Marku mbrëmjen e sotme do ta ketë ndeshjen më të rëndësishme të karrierës deri më tani në boksin profesionist. “Dinamiti” kuqezi do ta sfidojë rumunin Maksim Prodan në duelin e peshave të mesme që vlen titullin kampion në federatën IBFI.

florian marku

Sfida do të zhvillohet në stadiumin e Totenhemit në Londër, teksa eventi do të kulmojë me kryendeshjen Joshua-Usyk. Ditën e djeshme, Marku dhe rivali i tij bënë edhe peshimin, ku fillimisht pati një alarm se 28-vjeçari shqiptar ishte mbi peshë, por që më pas vetë boksieri sqaroi se gjithçka ishte në rregull. Pas peshimit, luftëtari shqiptar ka postuar një video speciale në faqen e tij zyrtare në “Facebook”, teksa shkruan:

“Kam ëndërruar për ndeshje dhe stadiume të tilla gjithë jetën. Nesër (sot) është ndeshja, një ndeshje ku të gjitha ëndrrat e mia do fillojnë të bëhen realitet. Veç Zoti e di sa kam punuar për këto ditë, tani është fillimi dhe titulli i parë për mua në boks”, shkruan Florian Marku.

Kujtojmë që ceremonia e ndeshjeve fillon në orën 20:00, ndërsa për t’u veçuar janë kuotat në baste. Ndonëse do të ketë përballë një kundërshtar që mban titullin dhe që ka një bilanc prej 19 fitoresh dhe vetëm 1 barazimi, suksesi i Florian Markut konsiderohet si formalitet nga kompanitë e basteve, të cilat e kuotojnë me koeficientin 1.15. Fitorja e Prodanit jepet me koeficient 6.25, ndërsa barazimi 29.

PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/