Skuadra më “e pistë” e historisë, njihuni me rekordin negativ që vendosi klubi i Premier Ligës

Panorama Sport | Lajmet e fundit nga sporti

Postuar: Maj 13, 2022 | 22:05


Skuadra më “e pistë” e historisë, njihuni me rekordin negativ që vendosi klubi i Premier Ligës

Lidsi nuk mundi dot të marrë asgjë për luftën e mbijetesën nga ndeshja e fundit me Çelsin kur u mund në “Elland Road” 3-0 të mërkurën. Por skuadra e Xhesi Marshit vendosi një rekord historik negativ, atë të skuadrës më të padisiplinuar të Premier Ligës.

5f9c875feba9bfaba10fae8d94f57d8eo2

Kartoni i kuq i Dan Xhejmsit dhe i verdhi i Kalvin Filipsit e dërguan skuadrën e Lidsit në kuotën e 100 kartonëve këtë sezon në Premier Ligë (36 ndeshje). 97 të verdhë dhe 3 të kuq vendosën një rekord të ri. Lidsi ia theu rekordin e skuadrës më të padisiplinuar të historisë së Premier Ligës, Sandërlendit, i cili u vendos në sezonin 2014- ‘15 (94 kartonë) që në ndeshjen kundër Arsenalit.

Dhe me dy ndeshje deri në fund të sezonit, kundër Brajtonit dhe Brentfordit, ata me shumë mundësi do ta thellojnë akoma më shumë rekordin negativ. Ata nuk e kanë më në dorën e tyre mbijetesën.

Aktualisht në vendin e 18-të, me 34 pikë, po aq sa Bërnlej, por me golavarazh më të keq dhe me një ndeshje më shumë të luajtur sesa rivalët, ata e humbën shansin për ta pasur fatin e tyre në dorë pas paraqitjes shumë të mirë të Çelsit.

Ndërsa Evertoni renditet një shkallë më lart me 2 pikë më tepër, por edhe skuadra e Lampardit ka një ndeshje më shumë në dispozicion.

PANORAMASPORT.AL