Erzeni nuk ndalet, siguron një kampion për mesfushën. Arbër Çyrbja është përforcimi numër tre para rinisjes së garës. Lojtari ka nënshkruar tashmë kontratë për pjesën e mbetur të sezonit dhe është koordinatori i klubit që e konfirmon lajmin për “Panorama Sport”.

Fundim Dollaku sqaron se me të mbyllet edhe merkatoja e dimrit: “Skuadra është gati për të rinisur kampionatin. Veç përgatitjeve intensive të zhvilluara, ka pasur edhe hyrje-dalje në merkato.

Jemi treguar të kujdesshëm në këtë drejtim dhe mund të them që përforcimi i tretë dhe i fundit është Arbër Çyrbja, mesfushori që na vjen nga Teuta. Me të kemi kontratë 6-mujore, por me të drejtë rinovimi. Kështu, Erzeni ka përmbyllur edhe merkaton”.

FIQIRI SHEHU – PANORAMASPORT.AL

NDIQE LIVE "PANORAMA TV"

---