Skuadra e Kategorisë së Dytë me 9 lojtarë, e gjen shpëtimin në Shkodër
Drejtuesit e Tërbunit janë mjaft të shqetësuar, pasi nuk mund të federojnë lojtarë nga jashtë Prefekturës dhe për momentin kanë të gatshëm vetëm 9 lojtarë. Ky është një rregull për Kategorinë e Dytë në fakt dhe drejtuesit e klubit pukjan duhej t’i kishin paraprirë situatës.
Në këto kushte ata janë të detyruar t’i drejtohen akademisë së Vllaznisë për të kompletuar ekipin për sezonin e ardhshëm.
Vonesa e nisjes së kampionatit i ka favorizuar në këtë drejtim. Trajnerit Edmond Dalipi i duhen shumë lojtarë për të pasur një ecuri normale në kampionat, aq më tepër kur ka një objektiv serioz për të realizuar, siç është kthimi në Kategorinë e Parë. Mbetet për t’u parë se sa lojtarë do të vijnë nga Shkodra për të luajtur për Tërbunin.
DITMIR PEMA – PANORAMASPORT.AL
NDIQE LIVE "PANORAMA TV"