Starti jo i mirë i sezonit tregoi se Tirana e vuajti rikthimin nga Kategoria e Parë. Shumë diskutime, pozita e trajnerit e lëkundur dhe gjithashtu disa zgjedhje të bëra në merkato të vëna në diskutim. Mirëpo, fitorja me Luftëtarin ka sheshuar shumëçka dhe skuadra shkon me moral të lartë në transfertën e radhës.

Do të jetë ndeshja me Skënderbeun dhe më pas derbi me Partizanin, që përbëjnë “maloren e së vërtetës” për bardheblutë që të tregojnë sa vlejnë. Disfatat me Kamzën dhe Kukësin, e barazimi me Teutën, lanë shije të hidhur në kampin kryeqytetas, ndaj dy sfidat e radhës vlejnë vërtet më shumë sesa thjesht gjashtë pikë.

NDIQE LIVE "PANORAMA TV"

---