Situatë kaotike në Vlorë. Administratori Sinan Idrizi nuk pranonte fillimisht të heqë nga stadiumi dy banderola me sfond politik të vendosura në tribunën përballë.

“Hashim Thaçi – Vlora, krenohet me ty” dhe “Drenica zemra e shqiptarisë”, shkrohej në to.

Delegati i ndeshjes, Petrit Braja, iu ka bërë të qartë drejtuesve që në rast se këto banderola nuk hiqen, atëherë ndeshja nuk fillon.

“Nuk e heq e kanë vendosur tifozët. Në stadium po thuhet Rama ik, e po nxjerrin banderola. Muhabet koti. Mbylle ndeshjen nuk e heq”, ishin fjalët e administratorit Idrizi, i cili duket i bindur. Më pas gjithçka u qetësua dhe Idrizi pranoi që ato banderola të largoheshin jashtë stadiumit. Ndeshja filloi 16 minuta me vonesë.

NDIQE LIVE "PANORAMA TV"

---