Shtyu shokun e skuadrës për të mbrojtur Alioskin, Granit Xhaka i thotë të gjitha me foton e fundit

Panorama Sport | Lajmet e fundit nga sporti

Postuar: Nëntor 24, 2020 | 23:42


Shtyu shokun e skuadrës për të mbrojtur Alioskin, Granit Xhaka i thotë të gjitha me foton e fundit

Dy futbollistët e Arsenalit Granit Xhaka dhe Kieran Tierni kanë sheshuar gjithçka mes tyre pas barazimit 0-0 me Lidsin në fundjavë. Kapiteni i Zvicrës shkaktoi pakënaqësi në rrjetet sociale teksa mbrojti lojtarin kundërshtar Ezgjan Alioski përpara shokut të skuadrës Tierni, pasi ky i fundit debatoi me futbollistin e Maqedonisë së Veriut.
resize
Në një mesazh të publikuar së fundmi në rrjetet sociale, Xhaka del në foto me skocezin Tierni ku shfaqen të dy të gëzuar. Lojtari shqiptar e shoqëron foton me komentin se “janë bashkuar dy mëngjarashët e Arsenalit”.
0_GettyImages-1229738130
Në sfidën e fundit mes Arsenalit dhe Lids Junajtid, sulmuesi i “Topçinjve” Nikolas Pepe u penalizua me karton të kuq pasi goditi me kokë futbollistin shqiptar të Maqedonisë së Veriut Ezgjan Alioski, por pamjet treguan se ky i fundit më tepër simuloi. Në fund të ndeshjes, Tierni shkoi të debatonte me Alioskin, por Granit Xhaka e shtyu shokun e skuadrës duke ndarë të dy lojtarët.

Opinionistët në Angli e kritikuan Xhakën që nuk bëri detyrën e shokut të skuadrës.

“Bashkimi i mëngjarashëve! Asnjë problem”, shkruan Xhaka në “Facebook”.

granit xhaka
PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/