Shtohet ngarkesa te Partizani, 2 futbollistë të rëndësishëm vihen në dispozicion të trajnerit Daja

Panorama Sport | Lajmet e fundit nga bota e sportit

Postuar: Gusht 15, 2020 | 21:33


Shtohet ngarkesa te Partizani, 2 futbollistë të rëndësishëm vihen në dispozicion të trajnerit Daja

Partizani i trajnerit Daja gradualisht po arrin të marrë formën e një skuadre të plotë, ndonëse dihet se disa role janë akoma të zbuluara te “demat”. Të kuqtë kanë nisur punë për sezonin e ri që nga dita e mërkurë, por nga dje stafi ka shtuar ngarkesën stërvitore, duke zhvilluar dy seanca në ditë.

Partizani

Madje dje janë shtuar edhe radhët, përmes një njoftimi në faqen zyrtare klubi ka bërë të ditur se pas Solomonit, nën urdhrat e trajnerit Ilir Daja janë vënë edhe Jurgen Bardhi me Kevin Llanajt, që pas angazhimit me ekipin B kishin marrë disa ditë më shumë pushim.

Në lidhje me situatën e fundit klubi dje dha këtë njoftim për dashamirësit e tij: “Ekipi po vijon përgatitjet me dy seanca në ditë. Nën drejtimin e trajnerit Ilir Daja paradite lojtarët po zhvillojnë ushtrime në palestër, ndërsa pasdite në fushën e kompleksit sportiv ‘Pepa’ në Elbasan. Grupi është plotësuar edhe me ardhjen e Solomon, Bardhit dhe Llanajt, të cilët janë vënë menjëherë nën urdhrat e trajnerit Daja dhe stafit teknik. Përgatitjet do të vijojnë të shtunën si zakonisht në kompleksin ‘Pepa’”.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com