Shqipëria arriti objektivin/ Napoli uron Edi Rejën, por “harron” Hysajn
Shqipëria e arriti objektivin e saj, teksa me fitoren 3-2 ndaj Bjellorusisë e mbylli në vendin e parë në grupin 4 të Ligës C.
Pikërisht duke u renditur e para, Shqipëria ia doli që për edicionin e radhës në Ligën e Kombeve të jetë në Ligën B. Një sukses dhe një objektiv i arritur për Shqipërinë, që ka tërhequr vëmendjen edhe përtej Adriatikut.
Napoli nëpërmjet një postimi në faqen zyrtare, ka uruar trajnerin Edi Reja për suksesin e arritur me Shqipërinë. Reja në të kaluarën ka drejtuar Napolin, ku ka arritur edhe rezultate të shkëlqyera.
Megjithatë në postimin e Napolit bie në sy, se urohet vetëm trajneri Reja dhe jo Hysaj, i cili është pjesë e skuadrës së Gatuzos dhe dy ditë më parë rezultoi pozitiv me Koronavirus.
PANORAMASPORT.AL
NDIQE LIVE "PANORAMA TV"