Përfaqësuesja Shpresa do të luajë nesër një ndeshje miqësore ndaj Maqedonisë se Veriut në Kroaci, në një miniturne të organizuar në këtë vend dhe ku kuqezinjtë në ditët në vijim do të luajnë edhe me skuadrën vendase.

Edhe pse ky është një turne për U20, në të merr pjesë U21 e Shqipërisë me futbollistë të cilët Alban Bushi po projekton që të jenë pjesë e grupit në edicionin e ardhshëm. Megjithatë, jo të gjithë ia kanë dalë të jenë të gatshëm për ndeshjet. FSHF ka bërë të ditur se nga lista fillestare mungojnë Buxhelaj e Preka të Partizanit, Gjumsi i Tiranës si dhe Shahaj i Ado Den Hag. Bëhet e ditur se këta lojtarë nuk ia kanë dalë të rikuperojnë në kohë për duelet në fjalë dhe janë lejuar të kthehen pranë klubeve të tyre, duke mos udhëtuar drejt Kroacisë me pjesën tjetër të ekipit.

Kështu, në listë tashmë janë vetëm 7 futbollistë të kampionatit shqiptar, ndërsa ka edhe elementë të cilët janë grumbulluar me Kombëtaren A si portieri Marko Molla apo mbrojtësi Mario Mitaj, të cilët pritet të jenë shtyllat e kësaj përfaqësueseje për edicionin e ardhshëm.

PANORAMASPORT.AL

NDIQE LIVE "PANORAMA TV"

---