Shorti i Ligës së Europës/ Interi me short të lehtë, Roma përballë belgëve. Ja të gjitha çiftet
Është hedhur ditën e sotme, në Nion të Zvicrës, shorti i 1/16-ave, i Ligës së Europës.
Përballje shumë interesante dhe të forta, ka nxjerrë ky short, të cilat padyshim do të dhurojnë spektakël.
Interi i Antonio Kontes, nuk do të ketë një short të vështirë, pasi do të ndeshet me bullgarët e Ludogorets. Ekip i lehtë ky për italianët, që janë gati t’i shkojnë deri në fund këtij kompeticioni, pas eliminimit nga Liga e Kampionëve.
Roma nga ana tjetër do të përballet me belgët e Gentit, një çift që nuk tremb italianët, por as i lë shumë të qetë, për të kaluar në fazën tjetër.
Çift interesant do të jetë edhe ai mes Olimpiakosit dhe Arsenalit, që janë ndeshur shpesh herë në Ligën e Kampionëve dhe kanë prodhuar shumë gola
Mançester Junajtid nuk do të ketë një mision shumë të vështirë, pasi shorti i ka vënë përballë Klub Bryzhit.
Përballje të tjera interesante do të jenë ato mes: Getafe- Ajaks, Frankfurt- Salcburg, dhe Shakhthjor Benfika.
Ja çiftet e 1/16-ave:
1) Ulvërhempton- Espanjol
2) Sportingu i Lisbonës-Bashakshehir
3) Getafe-Ajaks
4) Leverkuzen- Porto
5) Kopenhagen-Selltik
6) APOEL- Bazel
7) Kluzh-Sevija
8) Olimpiakos- Arsenal
9) Alkmar- Lask Linz
10) Klub Bryzh- Mançester Junajtid
11) Ludogorets- Inter
12) Frankfurt- Salcburg
13) Shaktjor- Benfika
14) Volfsburg- Malmo
15) Roma- Gent
16) Rejnxhers- Braga
/PANORAMASPORT.AL/
NDIQE LIVE "PANORAMA TV"