Postuar: Janar 11, 2020 | 17:47
Shkëndija e Ernest Gjokës nuk ndalet në merkato, “rrëmben” mbrojtësin e kombëtares sllovake
Shkëndija e Tetovës nuk ndalet në merkato. Pas Ardin Dallkut, Valon Ahmedi dhe futbollistit Aldair Neto, kuqezinjtë kanë zyrtarizuar një tjetër futbollist. Bëhet fjalë për mbrojtësin sllovak Jan Krivak.
26-vjeçari ka firmosur ditën e sotme kontratë 2.5 vjeçare me klubin shqiptar që militon në elitën e futbollit maqedonas. Krivak është grumbulluar 2 herë nga përfaqësuesja e Sllovakisë, teksa së fundmi ishte pjesë e kampionatit çek ku u aktivizua për 2 sezone me skuadrën e Karvinës.
Më herët mbrojtësi ka qenë pjesë e Podbrezovës në Sllovaki. Një përforcim tepër cilësor për skuadrën e Ernest Gjokës, e cila do të synojë të fitojë sërish titullin kampion edhe këtë sezon.
PANORAMASPORT.AL
NDIQE LIVE "PANORAMA TV"