Shkarkoi Hasin para 2 muajsh, presidenti i Olimpiakosit jep dorëheqjen për të pastruar imazhin
Në 25 shtator presidenti i Olipiakosit, Evangelos Marianakis shkarkoi trajnerin shqiptar Besnik Hasi për rezultate të dobëta, ndërsa sot ka dhënë dorëheqje pas akuzave të ngritura kundër tij për manipulimin e ndeshjeve në kampionatin grek.
Marianakis u paraqit para Gjykatës së Apelit në Athinë, ku së bashku me 28 persona të tjerë u akuzuan për manipulim. Në listën e gjatë të të akuzuarve ka dhe zyrtarë të lartë të Federatës greke të Futbollit (EPO), arbitra, trajnerë dhe ish-futbollistë nga klubet e Levadiakos, Panionios, Verias apo Atromitosit të Athinës.
Nëpërmjet një njoftimi në faqen zyrtare klubi i Olimpiakosit bëri të ditur se presidenti do të tërhiqej nga detyra deri sa të pastrohej imazhi i tij.
NDIQE LIVE "PANORAMA TV"