Shikoni supergolin e Llukakut në Rumani, Rashica asist me Vitese (VIDEO)
Azdren Llukaku e ka nisur mjaft mirë këtë sezon me ekipin e tij Gaz Metan në kampionatin rumun.
Llukaku ka shënuar golin e barazimit përballë kampionëve në fuqi të Dinamos së Bukureshtit, duke i dhënë një pikë shumë të rëndësishme ekipit të tij.
Në gjashtë takimet e zhvilluara në këtë edicion, futbollisti kuqezi ka shënuar deri tani tre gola. Milot Rashica ka rezultuar mjaft efikas sot kur ka dhënë asistin e golit të Viteses megjithëse ekipi i tij nuk shkoi më shumë se një barazim 1 1 në fushën e vet përballë Uetreht.
Ishte minuta e 28të kur Rashica pasoi për Van Volfsunkel, i cili kaloi provizorisht në avantazh ekipin e tij. Elis Bakaj dhe Admir Rahmani ishin në formacion sot në mbrëmje me RNK Split përball Zapresic.
Por ekipi i dy shqiptarëve nuk shkoi më shumë se një barazim 00 në fushën e tij duke konfirmuar nisjen e keqe në këtë edicion, pasi në shtatë takime ka marrë vetëm 4 pikë. Në fushë sot ka zbritur edhe Paçarada me ekipin e Sandhausen në ligën e dytë gjermane teksa ka humbur 12 në fushën e tij përballë Shtutgartit.
NDIQE LIVE "PANORAMA TV"