Golat e shënuar nga zikaltrit në pesë javët e para të kampionatit janë 18 duke i bërë jo vetëm më agresivët në Serinë A, por edhe në Europë. Interi nuk po njeh rivalë në shifra, me një mesatare prej 3.6 golash për ndeshje.

Askush në Itali si ai, kurse në pesë kampionatet kryesore europiane, vetëm Bajerni i Mynihut ka një ritëm më të lartë. Bavarezët kanë shënuar 20 gola në 4 sfidat e luajtura në Bundesligë, duke e çuar mesataren në 5 gola për ndeshje, më produktivët në Europë.

Konkurrenca me gjermanët në këtë drejtim vendos përballë edhe Edin Xhekon me Robert Levandovskin, me polakun që kryeson me 7 gola ndaj 4 të tillëve të boshnjakut dhe është vënë përsëri në ndjekje të “Këpucës së Artë”. Ndërkohë, Xheko po përpiqet të provojë që mosha e tij është thjesht një numër dhe mund të bëjë akoma diferencën.

PANORAMASPORT.AL

NDIQE LIVE "PANORAMA TV"

---