Sheta mungon në stërvitje te Besëlidhja, “mister” me mbrojtësin

Panorama Sport | Lajmet e fundit nga sporti

Postuar: Shkurt 26, 2020 | 19:44

Sheta mungon në stërvitje te Besëlidhja, “mister” me mbrojtësin

Besëlidhja vijoi përgatitjet për Erzenin edhe dje, e megjithatë ajo që ra në sy ishte mungesa e Arian Shetës. Dhe nuk është e para ditë që nuk shfaqet në Lezhë, por e dyta. “Misteret” janë të mëdha, ndonëse vetë drejtuesit e klubit janë munduar që ta justifikojnë.sheta beselidhja

Thuhet se mbrojtësi është i dëmtuar, ndaj edhe u ndërrua në minutën e 60-të kundër Dinamos. E megjithatë, ende nuk ka ndonjë reagim zyrtar prej vetë klubit lezhjan dhe as nga mbrojtësi. Gazeta në fakt u mundua që të kontaktonte me 39-vjeçarin, por ai nuk është përgjigjur.

Gjatë merkatos së janarit u përfol se mbrojtësi kryeqytetas mund të rikthehej te Dinamo, andej nga ka ardhur në kuadër të merkatos verore, por këtë e kundërshtoi publikisht vetë presidenti Gjok Noka.

Në atë kohë për “Panorama Sport” ai deklaroi se Arian Sheta do të largohej nga Besëlidhja kundrejt një vlere monetare prej 50 mijë eurosh.

Preng Gjikola

NDIQE LIVE "PANORAMA TV"