Duke mundur brazilianët, “Djajtë” siguruan një biletë në gjysmëfinalen e Botërorit ku të martën do të përballen ndaj Francës. Megjithatë, përballja çerekfinale ndaj “Seleçaos” vazhdon të diskutohet për shumë aspekte, për mënyrën se si u zhvillua ndeshja dhe për si u menaxhua ajo nga arbitri.

Në lidhje me këtë të fundit, në ndeshjen Brazil-Belgjikë ishte një episod që ka hapur shumë diskutime. Kontakti në zonë në minutën e 55-të kur ndeshja ishte 2-0 në favor të Belgjikës mes Kompanisë dhe Gabriel Zhezusit ishte një rast që nuk mund të rihapte ndeshjen. Diskutimi më i madh u bë edhe mes arbitrave prezentë në VAR, ku kryesori ishte Daniele Orsato, të cilët ishin të pavendosur ta akordonin apo jo.

Në fund, “Seleçaos” nuk iu akordua një penallti, e cila sigurisht që mund të rihapte ndeshjen. Por, është kurioze, ajo që ka ndodhur në dhomën e VAR-it mes arbitrave, që tërboi edhe brazilianët. Penallti apo jo? Duke analizuar imazhet e dinamikës së aksionit, impresioni është që faulli kundër Gabriel Zhezusit mund të fërshëllehej. Por, pasi e panë dhe e ripanë përsëritjen për një kohë të gjatë (1 minutë e gjysmë), Orsato ka vendosur që të vazhdonte loja.

Një vendim, i cili ka ardhur pas një diskutimi me tone të ashpra dhe “sherrit” me arbitrat e tjerë që ishin përpara monitorit të VAR-it. Aty ishin gjermanët Borsh dhe Cvajer dhe polaku Gil, por përgjegjësi ishte Daniele Orsato, i cili vendosi që loja të vazhdonte.

Kjo ka provokuar brazilianët, të cilët shkruajnë se arbitri italian është një i verbër që nuk e ka parë faullin brenda zonës. Por, kjo është vetëm një nga sulmet që ka pësuar arbitri italian, i cili ka qenë gjithashtu në qendër të kritikave edhe në Serinë A për mungesën e kartonit të kuq për Miralem Pjaniç në sfidën vendimtare mes Interit dhe Juventusit, ku nuk nxori nga loja mesfushorin boshnjak, pavarësisht ndërhyrjes që ai bëri ndaj Rafinjës.

NDIQE LIVE "PANORAMA TV"

---