Shënon më shumë se kushdo në botë, sulmuesja e Kombëtares vendos rekord
Futbollistja e Kombëtares së femrave, Megi Doçi është shpallur sërish golashënuesja më e mirë në botë. Shkodrania e cila është pjesë e Vllaznisë, e ka nisur vitin 2020 në mënyrën më të mirë të mundshme, duke qenë më e mira në botë, për numrat e golave të shënuara.
23-vjeçaria ka shënuar plot 85 gola, në të gjitha kompeticionet, kampionat, kupë dhe me ekipin kombëtar, duke e merituar plotësisht çmimin simbolik të golashënueses më të mirë të vitit 2019.
Ka qenë shoqëria spanjolle “Futebol Feminino Alternativo” ajo që për të katërtin vit radhazi organizon një studim të tillë për futbollin e femrave duke analizuar më shumë se 60 kampionate nga e mbarë bota dhe duke bërë një renditje të shënueseve më të mira. Doçi ka lënë në vendin e dytë me vetëm një gol më pak, futbollisten e Barcelonës Krystyna Freda ndërkohë që në vendin e tretë është e renditur futbollistja e Apolonisë Kesjana Goro me 71 gola.
RENDITJA E PLOTË:
1 – Megi Doci (ALBANIA, VLLAZNIA) 85 gola;
2- Krystyna Freda (EUA, BARCELONA FA/APOLLON LADIES) 84 gola;
3- Kesjana Goro (ALBANIA, APOLONIA) 71 gola;
4- Karina Vega (PARAGUAI, LIBERTAD/LIMPEÑO) 67 gola;
5- Erika Hernández (PANAMÁ, CD UNIVERSITARIO) 60 gola;
6- Ana Milovic (ESLOVÊNIA, ZFK BREZNICA/OLIMPIJA LJUBLJANA) 56 gola;
7- Vivianne Miedema (HOLANDA, ARSENAL) 53 gola;
8- Madeline Riera (EQUADOR, DEPORTIVO CUENCA) 52 gola;
9- Stavriana Antoniou (CHIPRE, CHRISOMILIA AG AMVROSIOU KERINEIAS) 46 gola;
10- Rimanté Jonusaite (LITUÂNIA, FK GINTRA) 46 gola
PANORAMASPORT.AL
NDIQE LIVE "PANORAMA TV"