Shënoi penalltinë deçizive të fitimit të Europa Ligës, flet sulmuesi i Frankfurtit: Shkruam historinë, lumturi e papërshkrueshme!

Panorama Sport | Lajmet e fundit nga sporti

Postuar: Maj 19, 2022 | 12:00

Shënoi penalltinë deçizive të fitimit të Europa Ligës, flet sulmuesi i Frankfurtit: Shkruam historinë, lumturi e papërshkrueshme!

Kevin Trap ka qenë heroi i mbrëmjes në Sevilje për Frankfurtin, duke pritur penalltinë e Aron Ramsejt, duke i çelur rrugë suksesit të gjerman.

SANTOS BORRE 1

Por pa dyshim protagonisti tjetër i madh i “Shqiponjave” ka qenë sulmuesi Rafael Santos Borre. Ai është bërë kolumbiani i shtatë në histori që fiton një kupë europiane.

Dhe nëse Eintrahti kthehet në Gjermani me trofeun me vete, një pjesë e madhe i dedikohet atij. Ai ka shënuar golin që barazoi takimin duke e çuar ndeshjen në shtesë.

Dhe më pas nga lotaria e penalltive ai shënoi 11-metërshin e fundit. Ai është intervistuar menjëherë nga mediat kolumbiane që kanë nxituar t’i marrin fjalët e para pas trofeut.

“Jemi shumë të lumtur, është një gëzim i papërshkrueshëm. Kishim ardhur në finale për ta fituar atë dhe ia kemi arritur. Së bashku kemi shkruar historinë”, ka thënë ai.

Duket se Spanja i ka sjellë jo pak fat Frankfurtit. Para se të mbërrinin deri në Sevilje, gjermanët kishin kaluar edhe Barcelonën.

PANORAMASPORT.AL

NDIQE LIVE "PANORAMA TV"