Shënoi në minutën e 95-të, ish-sulmuesi i Kukësit e mbyll sezonin si golashënuesi i dytë më i mirë në kampionat
Një tjetër sezon i kënaqshëm për ish-sulmuesin e Kukësit, Mirlind Daku, i cili shënoi edhe në ndeshjen e fundit të kampionatit, duke i siguruar fitoren skuadrës së Murës, në minutën e 95-të, në triumfin 1-2 ndaj Koperit në transfertë.
Për shqiptarin e Kosovës, ky ishte goli i tij i 19-të këtë sezon, të cilin e mbylli si golashënuesi i dytë më i mirë në Slloveni, teksa “Këpuca e Artë” u fitua nga Vipotnik i Mariborit me 1 gol më shumë se Daku.
Mura me këtë fitore të ditës së sotme, u pozicionua në vendin e pestë në renditje me 52 pikë, 13 fitore, 13 barazime dhe 10 humbje, ndërkohë që vendin i katërt që të dërgon direkt në Europë u mbajt nga Domzale me po 52 pikë, por me golavarazh më të mirë.
PANORAMASPORT.AL
NDIQE LIVE "PANORAMA TV"