Shënoi 25 gola në sezonin e kaluar, sulmuesi serb rikthehet me premtime

Panorama Sport | Gazeta me e shitur sportive ne vend

Postuar: Dhjetor 6, 2017 | 11:23

Shënoi 25 gola në sezonin e kaluar, sulmuesi serb rikthehet me premtime

Sulmuesi vojvodinas Kosta Bajiç do të jetë pjesë e Besëlidhjes në gjysmën e dytë të sezonit, pasi ka nisur që nga fillimi i muajit përgatitjet me lezhjanët. Autori i 25 golave në sezonin 2015-2016 me lezhjanët, në një prononcim për “Panorama Sport”, është shprehur:   “Pasi mbylla kontratën me Besëlidhjen…

Sulmuesi vojvodinas Kosta Bajiç do të jetë pjesë e Besëlidhjes në gjysmën e dytë të sezonit, pasi ka nisur që nga fillimi i muajit përgatitjet me lezhjanët. Autori i 25 golave në sezonin 2015-2016 me lezhjanët, në një prononcim për “Panorama Sport”, është shprehur:

Bajic

 

“Pasi mbylla kontratën me Besëlidhjen nuk rinovova, ndonëse m’u kërkua një gjë e tillë, pasi kisha disa oferta nga shumë klube. Të parën zgjidha FF Jaron e Finlandës që luan në Kategorinë e Parë. Atje nuk rashë dakord me kushtet që m’u ofruan nga presidenti, për rrjedhojë shkova në Kazakistan, ku kisha ofertën tjetër dhe, pasi kalova provën, firmosa me kushtet e mia.

Bajic4

Gjatë fazës së parë aty kam shënuar 5 gola dhe ia kam kaluar mirë në klub, por atje ishte ndryshe, vetëm shtëpi, stërvitje. Më mungonte miqësia ballkanase, asnjeri nuk të ofronte sadopak miqësi, madje as nga tifozëria e skuadrës. Në Kazakistan pagën e kisha shumë të mirë, por përveç ftohtësisë së njerëzve ishte dhe klima shumë e ftohtë, deri në -30-35 gradë dhe i binte të pushoja pesë muaj. Ndaj dhe vendosa të rikthehesha në Lezhë”, ka thënë Bajiç, i cili flet edhe për objektivat me lezhjanët.

Bajic3

“Në janar do të firmos me Besëlidhjen, për një ose dy sezone, sa të dojë presidenti. Skuadra më është dukur e kompletuar dhe për këtë jam optimist se do t’ia dalim që të kapim objektivat, pasi tani edhe unë jam i impenjuar maksimalisht për një gjë të tillë.

Bajic2

Shpresoj që unë nuk do të largohem nga Lezha pa e provuar Superioren dhe kjo do të jetë gjëja më e bukur në jetën time”, ka përfunduar Bajiç në deklaratën e tij. Rikthimin e tij te Besëlidhja e kanë pritur mirë edhe tifozët.






0 Komente Shfaq Komente Fshih komente

Shkruaj nje koment

www.minuta90.com