Shaqiri si Mesi dhe Ronaldo, bëhet lojtari i tretë që shënon në Botërorët e fundit

Panorama Sport | Lajmet e fundit nga sporti

Postuar: Dhjetor 2, 2022 | 21:14

Shaqiri si Mesi dhe Ronaldo, bëhet lojtari i tretë që shënon në Botërorët e fundit

Futbollisti me origjinë shqiptare Xherdan Shaqiri ka zhbllokuar në minutën e 19’ sfidën Serbi-Zvicër në fazën e grupeve. Pas asistit të Sou, ai tundi rrjetën e Serbisë dhe kaloi ekipin e tij në avantazh.

Collage Maker-02-Dec-2022-09.07-PM

Përmes këtij goli, Shaqiri i bashkohet yllit argjentinas Lionel Mesi dhe yllit portugez Kristiano Ronaldo.

Ai është lojtari i tretë që shënon në secilin nga tre turnetë e fundit të Kupës së Botës, përkatësisht në 2014, 2018 dhe tani në 2022.

Në Botërorin e Brazilit në 2014 Shaqiri shënoi 3 gola, në Botërorin e Rusisë në 2018 shënoi 1 gol kundër Serbisë dhe tashmë përsëriti historinë duke shënuar sërish ndaj tyre.

PANORAMASPORT.AL