Shaktoi polemika të shumta me faqen e parë, Roma dhe Milani marrin vendimin e papritur ndaj gazetës prestigjoze
Faqja e parë e gazetës sportive prestigjoze “Corriere Dello Sport”, ka bërë që gjatë ditës së djeshme të plasin polemikat në Itali.
“Black Friday”, shkruhej në faqen e parë të kësaj gazete, ku Kris Smolling dhe Romelu Lukaku ishin lojtarët që figuronin. Ky titull u konsiderua racist dhe u bë fjalë për “hije” skandali.
Pas reagimeve dhe kundër reagimeve mes gazetës dhe palëve, klubi i Romës dhe i Milanit kanë vendosur që të ndërpresin çdo lidhje me gazetën prestigjoze “Corriere Dello Sport”. Klubet këtë e kanë njoftuar përmes postimeve zyrtare në rrjetet sociale.
Në pasdite reagoi edhe Romelu Lukaku: “Në vend që të përqendrohemi te një sfidë mes dy skuadrash, ‘Corriere dello Sport’ ka shkruar një nga titujt më idiotë që kam parë në karrierë. Kështu ushqehet mendimi negativ i lidhur me racizmin”.
/PANORAMASPORT.AL/
NDIQE LIVE "PANORAMA TV"