Sezonin tjetër me Napolin, drejtori i klubit zbulon se përse e blenë Rrahmanin
Drejtori sportiv i Napolit Kristiano Xhuntoli vlerësoi se përse kapiteni i Kosovës Amir Rrahmani “është mbrojtësi i duhur” për skuadrën e njohur italiane.
Në një prononcim për “Sky Sport Italia”, zyrtari i Napolit theksoi se 25-vjeçari “është i aftë në markim dhe i përshtatet më së miri ideve të trajnerit Xhenaro Gatuzo”, i cili e bazon lojën tek prapavija.
“Blemë Rrahmanin në janar sepse është shumë i zoti në markim, por gjithashtu di të dalë në fazën sulmuese nga prapavija. Kjo është diçka thelbësore për Gatuzon. Me një trajner si ai, i cili dëshiron gjithmonë ta nisë lojën nga mbrojtja, ne dëshironim që t’i siguronim lojtarë që i përshtaten ideve të tij”, u shpreh Xhuntoli.
Rrahmani do të kalojë te Napoli pas këtij sezoni, ndërsa do të mbyllë këtë edicion me Veronën. Ai u ble nga Napoli për shifrën e 14 milionë eurove.
PANORAMASPORT.AL
NDIQE LIVE "PANORAMA TV"