“Sekreti i Italisë është Mançini”, Donaruma optimist: Nëse e dëgjojmë atë, do fitojmë Europianin

Panorama Sport | Lajmet e fundit nga sporti

Postuar: Tetor 13, 2019 | 8:40

“Sekreti i Italisë është Mançini”, Donaruma optimist: Nëse e dëgjojmë atë, do fitojmë Europianin

Xhanluixhi Donaruma është pa dyshim një nga pikat më të forta të Kombëtares së Italisë, pasardhësi i denjë i Bufonit, i cili përgatitet që të luajë edhe turneun e parë të rëndësishëm të karrierës në rang kombëtareje.

Donaruma Italia

Madje, ka edhe premisa të mëdha për ta fituar “Euro 2020”- ën: “Kishim aq shumë dëshirë për të fituar këtë ndeshje me Greqinë, sa ndoshta humbëm edhe pak nga shkëlqimi ynë. Në pjesën e dytë gjithsesi dolëm me një shpirt tjetër dhe e merituam suksesin dhe kualifikimin në fund.

Tifozët? Ishin fantastikë. Krijuan një atmosferë madhështore, prandaj këtë sukses ua dedikojmë atyre, – nënvizon portieri i “axurrëve”, i cili më pas ngre në piedestal trajnerin.

– Sekreti i kësaj Italie është pa dyshim Mançini. Është një person me të cilin jemi në sintoni të plotë, e ndjekim në çdo hap, por nëse vazhdojmë t’i dëgjojmë dhe të zbatojmë këshillat e tij, sigurisht që në Europian nuk do të shkojmë për të bërë një figurë të mirë, por për të tentuar dhe ta fitojmë atë. Nëse kjo Itali la pas momentin e saj më të vështirë është vetëm falë Mançinit”.

/PANORAMASPORT.AL/

NDIQE LIVE "PANORAMA TV"