“San Siro” pret 70.000 spektatorë për Championsin, bastet favorizojnë Totenhemin

Panorama Sport | Lajmet e fundit nga sporti

Postuar: Shtator 18, 2018 | 9:49

“San Siro” pret 70.000 spektatorë për Championsin, bastet favorizojnë Totenhemin

Interi përgatitet të luajë ndeshjen e parë të Grupit B të Ligës së Kampioneve sot kundër Totenhemit, në “San Siro”, ora 18:55. Impianti milanez përgatitet të presë një numër të madh spektatorësh, thuajse 70.000 (sipas parashikimeve të biletarisë), duke ruajtur trendin pozitiv: ishin 59.648 për Inter-Parma (0-1).

san-siro-inter-770x433

Si gjyqtar kryesor është përzgjedhur francezi Klement Turpë (14 arbitrime deri tani në Champions): me zikaltrit vetëm një precedent, për fat të keq negativ (Inter-Hajduk i Splitit 0-2, e vlefshme për fazën paraeliminatore të Ligës së Europës 2012). Do e ndihmojnë Nikolas Danos dhe Siril Gringor (asistentë anësorë) dhe Guilam Debar (gjyqtar i katërt). Sipas kompanive të basteve, “spërsat” janë lehtësisht favoritë: kuotohet 2.75 fitorja e miqve, 2.70 ajo e vendësve dhe 3.20 barazimi.

NDIQE LIVE "PANORAMA TV"